Rematch næstum því

A.lið Atli,Gunni,Guðni,Jón

B.lið Dabbi,Jói,Óli,Varði

Já Jörgen er víst búinn að slíta öll liðbönd í ökklanum og verður ekki með í einhvern tíma og kemur Guðni til með að leysa hann af þar til hann kemur til baka.Liðin voru nákvæmlega eins fyrir utan að Guðni kom í staðinn fyrir Jörgen og bjóst Tækklarinn við að tíminn yrði svipaður og síðast.En með því að eiga einn versta dag í sinni spilamennsku þá náðist að gera tímann mun meira spennandi en síðast.Leikurinn byrjaði svipað og síðast frekar jafn og var frekar mikið skorað.Þegar tíminn var hálfnaður var staðan jöfn eins og síðast.Eins og þá þá fengu b.liðar allt í einu á sig fimm mörk á stuttum tíma og flest komu þau í bakið á þeim eftir mistök.Atli var heitur og skoraði helling af mörkum og meðal annara komu þrjú sem voru klárlega sendingar.Og tvö af þeim enduðu sem vippumörk.Tækklarinn fékk líka á sig vippu frá Jóa en það var að sjálfsögðu engin sending.Tækklarinn og Óli skiptust líka á að klikka á færum þar sem enginn var í markinu en það núllaðist að mestu út.Þrátt fyrir töluverðar tilraunir til að klára leikinn þá var klárt að b.liðar voru ekki á þeim buxunum að tapa með tíu mörkum aftur en að sama skapi voru þeir aldrei nálægt því að nálgast núllið og leikurinn endaði með sanngjörnum sex marka sigri Gunna og félaga.