Ballið byrjað

A.lið Jóhann,Jón,Hákon,Viggi

B.lið Atli,Dabbi,Gunni,Óli

 Já það vantaði tvo í fyrsta tíma vonandi er fall fararheill í þeim efnum.Báðir varamennirnir í sama liðinu og svo illa gekk að slípa það saman að þeir skoruðu ekki mark fyrr en eftir 16 mínútur.En á meðan byrjuðu b.liðar vel og Dabbi átti eina neglu í byrjun og var staðan orðin fimm í plús fyrir þá þegar fyrsta markið kom hjá Jóa og co. Eitthvað skiptust menn á að skora eftir það og fljótlega byrjuðu a.menn að saxa á forskotið.Þegar 35 mín. voru búnar náðu a.menn að jafna.Óli og félagar skoruðu reyndar strax aftur en eitthvað náði þetta að skemma einbeitinguna hjá þeim.Ég veit ekki hvort átti meiri þátt í því krafturinn í Vigga eða jólasteikin hjá b.liðinu en þeir virtust ansi búnir á því og ef ekki hefði verið fyrir klassasendingar frá Dabba sem enduðu flestar með mörkum þá hefðu menn Tækklarans farið í tíu í tímanum.Þegar a.liðið komst yfir var nefnilega nánast eitt lið á vellinum og þeir keyrðu yfir b.menn og unnu leikinn með níu mörkum.Engar voru vippurnar í tímanum en Tækklarinn náði að klobba Gunna með vinstri og fer það í sögubækurnar.

Athugasemdir

[Gummao (IP-tala skráð) 6.1.2011 kl. 16:02]

Ótrúlegar framfarir hjá Jóa útherja. Hann er í öðru sæti deildarinnar! Það ætti nú að vera tilefni í að skella upp töflu!

Annars votta ég flestum ykkar samúð mína á nýju ári. Það verður minningarathöfn um Liverpool FC á sunnudaginn og þá munu leikmenn Manchester United vera með sýnikennslu í knattspyrnu. Vonandi njótið þið hins besta sem enski boltinn býður upp á.