Spenna sem aldrei fyrr

A.lið Haffi,Jói,Jón,Jörgen

B.lið Atli,Dabbi,Gunni,Óli

 Allir mættir í fyrsta skipti í langan tíma.Liðin skiptust á að skora til að byrja með en það var svosem ekki mikið skorað í fyrstu því að staðan var 3-2 eftir korter.Óli var í essinu sínu í tímanum og lagði boltann nokkrum sinnum með langskotum í vinklana en í a.liðinu voru menn að skora innan úr teig.Vörnin hjá þeim var mjög sterk og voru b.liðar miklu meira með boltann og Jói og co vörðust.Þegar tuttugu mín. voru eftir var staðan orðin 3 í plús fyrir a.liða og staðan virtist nokkuð vænleg.Þá tóku Atli og félagar á sig rögg og skoruðu fjögur í röð á stuttum tíma.Nú var komin veruleg spenna í leikinn og var jafnt á öllum tölum allt til enda leiks.Tækklarinn klikkaði á hverju dauðafærinu eftir annað og virtist farinn á límingunum en náði nú líka að krafsa nokkrum boltum til baka með pressu.En allt réðst þetta á síðasta markinu í síðustu sókninni sem Haffi skoraði af alkunnri snilld og kláraðist leikurinn því með sigri a.liðsins með einu marki.