Mangofc

6.Umferð Gunni er hástökkvarinn

en annars lítur þetta bara vel út

Meira drama meira drama

A.lið Atli,Gunni,Jón,Óli

B.lið Dabbi,Haffi,Jói,Jörgen

Leikur kvöldsins byrjaði seint.Tækklarinn kom tveim mínútum fyrir tímann og hélt hann væri síðastur en Óli kom þrem mínútum síðar og tíminn byrjaði því á sjöundu mínútu.Og fyrir Gunna og co. byrjaði hann ekki fyrr en tíu mínútum seinna því að þeir byrjuðu á að gefa b.liðum fjögur mörk.Auðvitað sóttu b.menn þau en a.liðið var illa mætt og þótt þeir byrjuðu að setja eitt og eitt þá svöruðu Dabbi og félagar alltaf strax og munurinn hélst þetta tvö þrjú fjögur mörk vel framan af leik.Það var ekki fyrr en leikurinn var rúmlega hálfnaður sem hann byrjaði aðeins að jafnast.Einhverra hluta vegna tóku b.menn Haffa út úr teignum og þá varð allt viðráðanlegra fyrir hitt liðið.Óli og Atli sáu um að skora og átti Óli að sjálfsögðu mark kvöldsins þegar hann hélt boltanum á lofti fjórum sinnum á leið upp völlinn og setti hann síðan viðstöðulaust í þaknetið.Tækklarinn man eftir að hafa reynt að sparka Sigga Jóns niður við nákvæmlega sömu aðstæður fyrir 30 árum síðan.En Jörgen og hinir voru síður en svo eftirbátar.Klessur frá Jóa og Jörgen í vinklana og Haffi og Dabbi áttu fín mörk líka.Eithvað fækkaði þó mörkunum sem a.liðar fengu í bakið og við það fóru þeir að saxa á forskotið og komust yfir í fyrsta skiptið þegar tólf mínútur voru eftir.Höfðu náð að núlla tvisvar áður en eftir þetta létu þeir forustuna ekki af hendi og lönduðu fjagra marka sigri á endanum.

5.Umferð Og fyrsta jafnteflið

Magnaður leikur

Heljarinnarhörkutími

A.lið Dabbi,Haffi,Jón,Jörgen

B.lið Atli,Gunni,Jói,Óli

Já menn hváðu yfir drættinum og sumir ákváðu úrslitin fyrirfram.Sem er alltaf hættulegt.Og það kom á daginn þegar b.liðar byrjuðu á að skora og héldu tveggja marka forystu lengi framan af.Vörnin hjá Haffa og co. var ömurleg og eina sem hélt þeim inn í leiknum var að vörnin hinumegin á vellinum var ekkert spes heldur.Þegar leikurinn var hálfnaður kom líka skellurinn fyrir a.liðið.Dabbi þurfti að drulla.og þá var það litla sjálfsálit sem a.liðið hafði farið eða hvað ? En um þetta leiti fóru þeir samt að saxa á forskotið og voru komnir tveimur yfir tíu mínútum seinna.Óli og Atli voru búnir að vera magnaðir að koma boltanum inn allt kvöldið en þegar lítið var eftir fór Óli í overdrive og setti bara allt inn og kláraði að jafna leikinn þegar mjög lítið var eftir og hefði með smá heppni getað stolið sigri í blálokin en náði því ekki og leikurinn endaði með jafntefli.

4.umferð Fyrsta tían lítur dagsins ljós

Tækklarinn veikur

A.lið Atli,Dabbi,Gunni,Hákon

B.lið Haffi,Jói,Jörgen,Óli

Tækklarinn var (og er enn)lasin og veit ekkert um tímann nema að Óli og co unnu með 10.En Tækklarinn ætlar að mæta í kvöld og rústa andstæðingunum.

3.umferð enn allt jafnt

Vippur og klobbar

A.lið Dabbi,Gunni,Haffi,Jón

B.lið Atli,Jói,Jörgen,Óli

Leikur kvöldsins var jafn og spennandi lengst af.Jörgen og félagar voru í hörkustuði og leiddu með tveimur mörkum ansi lengi.Tækklarinn sem var fyrirmunað að skora setti fimm bolta í tréverkið fékk líka á sig tvær vippur og var orðinn ansi örvæntingarfullur.Þegar um tuttugu mínútur voru eftir breyttu a.liðar um taktík og settu Dabba fyrir miðju varnarinnar þá breyttist leikurinn mikið.Jóa og hans mönnum sem hafði gengið mjög vel að skora var nú ómögulegt að koma tuðrunni í netið og misstu hann líka nokkrum sinnum.Gunni og co. gengu á lagið og komust á stuttum tíma yfir og það hraustlega.Haffi sem náði að klobba tvo í sömu sókninni raðaði nú inn mörkum.Og þótt Jói skoraði með skalla sem elstu menn muna ekki að hafi gerst áður þá kláruðu a.liðar leikinn með fimm mörk í plús.